Спортот е сегмент во животот секаде, па така и во општина Градско. Датира уште од дамнешни времиња, односно по втората светска војна, кога се организирани ипрвите натпревари во фрлање ѓуле, трчање и друго. Од млади ентузијасти во исто време е формиран и фудбалски клуб по име „Железничар„ кое во 1958 го менува во „ Локомотива„. Денес во општина Градско има неколку спортски игралишта и спортски терени со соблекувални. Има и мини детски паркови за развој и игра на младите. Во општината веќе 15 години постои здружение на спортски риболовци „Мрена„. Здружението има учествувано на повеќе општински, регионални и меѓународни натпревари, каде што има освоено повеќе награди.